प्राकृतिक सौन्दर्य, पर्यटन र ललितकला

शशीकुमार डंगोल

रसुवा प्राकृतिक सौन्दर्यले भरिपुर्ण अति नै मनमोहक जिल्ला हो ! यहाँका ताल- कुण्ड, खोला, झरना,हिमाल, डाडा, थली,खेतका गह्राकाफाटहरुमा १२ महिना नै अलौकिक सुन्दरताले भरिपुर्ण भैरहन्छन ।

तामाङ समुदायको बाहुल्य रहेको यहाँ भाषा, भेषभुषा, काष्ठकला,ढुङाका मुर्ति ,बौद्ध धर्म सम्बन्धित माने- गुम्बाहरु र परम्परागत कला संस्कृतिको अथाह खानी नै छन !

नेपाली ललितकला क्षेत्रमा काठमाडौ उपत्यका र त्यो भन्दा परको कुरा गर्दा पोखरासम्म चित्रकारिताको विषयमा चर्चा र गतिविधि देखिदै आइरहेको थियो !

अब चित्रकारिताको क्षेत्र अलि फराकिलो हुँदै गैरहेको छ । नेपालमा २०७२ को भुकम्प पश्चात् आफुखुशीका नयाँ सुरक्षित घरहरू बन्न थाले!पहिलाको झै भित्तामा पोष्टर पम्प्लेट, कार्डहरु अनावश्यक रुपमा मानिसहरूले टास्न छोडे ।

सौखिन नेपालीहरुले पेन्टिङ किन्न थाले!छोराछोरी बिदेशमा र आफू पनि घुम्न जादा बिदेशमा कलाको महत्त्व देखेर आफ्नो घरको बैठक कोठामा एउटा भने पनि चित्र झुन्ड्याउन त भन्ने मनसाय राख्न थाले!अफिसहरुमा पनि एकाध पेन्टिङ झुन्डिएको देख्न थाले !

कम्प्युटर जमानाको बिकाससंगै नेपालमा पनि पेन्टिङको दायरा बढदै गयो,नयाँ कलाकारहरु जन्मदैगए भने पुरानाहरुले प्रविधिको विकास संगै आफुलाइ परिमार्जित गर्दै जान थाले! बिदेशीहरु नेपाल र नेपालका कलाकारहरु पनि कला कार्यशाला तथा प्रदर्शनीकोलागी दोहोरो आदानप्रदान हुन थाल्यो ।

समग्रमा कलाको बिस्तारै राम्रै बिकास र गतिविधि बढदै गइरहेको देख्न सकिन्छ । काठमाडौका प्रदर्शनी हलहरुमा भैरहेका कला गतिविधिले गतिलिन थालेका छन ।

पछिल्लो चरणमा काठमाडौ बाहिर मोफसलमा पनि कला गतिविधि बढ्न थालेका छन! बाहिरी जिल्लामा पनि नगरपालिका ,गाउँपालिका तथा अन्य विभिन्न संघसंस्थाबाट कला कार्यशाला तथा प्रदर्शनी हुन थालेका देखिन्छन् ! कलाकारहरुका लागि यो थप हौसला र प्रेरणाको कुराहरू हुन । नयाँ पिढिका युवा कलाकारहरुका लागि त अझै राम्रो -प्लेटफर्म हाे ।

आमाछोदिङ्मो गाउँपालिकाले पनि नेपाल ललितकला प्रज्ञाप्रतिष्ठानको सहकार्यमा गएको २०८० चैत ९देखि १३गतेसम्म गतलाङ र गोल्जुङ तथा आसपासका पर्टकिय क्षेत्रमा केन्द्रित रही ५ दिने कला कार्यशाला कार्यक्रम सम्पन्न गर्यो ।

२५ जना सहभागी कलाकारहरुले त्यहाको दैनिक जनजीवन,संस्कृति , गतिविधि तथा प्राकृतिक सौन्दर्य माथि चित्र कोरे!फलस्वरूप ,त्यसै कार्यक्रममा चित्रकारले सिर्जना गरेका कलाकृतिको नक्साल स्थित नेपाल ललितकला प्रज्ञाप्रतिष्ठानमा २०८१ बैशाख २५देखि ३१ गतेसम्म प्रदर्शनी सम्पन्न भयो ।

यसरी कला गतिविधि ,कार्यशाला तथा प्रदर्शनी बाहिरी जिल्लाहरुमा हुनु स्वयं कलाकारहरु लागि मात्रै सुखद कुरा होईन समग्र देशको आन्तरिक तथा बाह्य पर्यटन तथा स्थानीयहरुको रोजगारी र आर्थिक पाटोमा समेत टेवा पुग्दछ ।

काठमाडौ र पोखरा उपत्यका भित्र मात्रै गतिविधि भैरहेको कलाकार्यशाला यसपटक आमाछोदिङमो गाउँपालिकाले कला पर्यटनलाई "आमाछोदिङ्मो आर्ट क्याम्प "मार्फत अगाडि सारेको छ । यो निकै सङ्राहनिय कार्य, पालिकाको सम्पुर्ण टिमले गरेको छ । पालिकाले आफ्नो लाखौंको सम्पती जोडेका छन । ती बहुमुल्य कला कृतिलाइ एउटा संग्रहालयको रूपमा जिवन्त राख्न सकिन्छ ।

अब,रसुवाको कला चित्रहरु अन्य कलाकारहरुले पनि कोर्नेछन!काठमाडौका ग्यालरीहरुमा रसुवाको चिनारी भएका चित्रहरु बिक्रिमा राखिनेछन! नेपाल र बिदेशी कलाप्रेमीहरुले आफ्ना घरका भित्ताहरुमा रसुवाका आकर्षक पेन्टिङहरुले सजावट गर्नेछन ।

अबका दिनहरूमा यस्तै कलाका कार्यक्रमहरु धेरै नसकिएपनी, बर्षको एकपटक सबै जिल्लाका नगरपालिका तथा गाउँपालिकाहरुले गर्न सकिए नेपाली कलाक्षेत्र र कलाकारहरुकोलागी ठूलो उपलब्धि रहने थियो भने विध्यालयका विद्यार्थी भाइबहिनी तथा जिल्लामा ओझेलमा रहेका र अवसर नपाइरहेका स्थानीय कलाकारहरुका लागि थप प्रेरणादायी कार्य ठहरिनेथ्यो ।

यो अत्यन्तै सुखदमय र महत्त्वपूर्ण कार्यक्रमको साथ र सहयोगमा रहनुहुने ´आमाछोदिङमो गाउँपालिका र नेपाल ललितकला प्रज्ञाप्रतिष्ठानका सम्पूर्ण टिम तथा मेरो सम्पुर्ण सहभागी ललितकलाकर्मी मित्रहरूमा आभार व्यक्त गर्दै हार्दिक नमन । जय `ललितकला´ ।

बेत्रावतीबजार,रसुवा

३१-०१-२०८१

लेखककाे फेसबुकबाट साभार